WI vs ENG: ઓહ.... WI એ ENGને 325 રન ચેઝ કરી 6 વિકેટે હરાવ્યું, WIની બેટીંગ ગજબની રહી

WI vs ENG: ઓહ…. WI એ ENGને 325 રન ચેઝ કરી 6 વિકેટે હરાવ્યું, WIની બેટીંગ ગજબની રહી

ક્રિકેટની રમતની કિંગ ગણાતી ઈંગ્લેન્ડની ટીમ હાલના દિવસોમાં ખૂબ જ ખરાબ ફોર્મમાં જોવા મળી રહી છે. તાજેતરમાં ભારતની યજમાનીમાં રમાયેલા ODI વર્લ્ડ કપમાં ઈંગ્લેન્ડે અપેક્ષા કરતા ખરાબ પ્રદર્શન કર્યું હતું. હવે વેસ્ટ ઈન્ડિઝના પ્રવાસે પહોંચેલી ઈંગ્લેન્ડે હાર સાથે શરૂઆત કરવી પડી હતી. વેસ્ટ ઈન્ડિઝે પ્રથમ વનડેમાં ઈંગ્લેન્ડને 4 વિકેટે હરાવ્યું હતું. જ્યારે 2023 ODI વર્લ્ડ કપમાં ઈંગ્લેન્ડ 9 લીગ મેચમાંથી માત્ર 3 જ જીતી શક્યું હતું. હવે વેસ્ટ ઈન્ડિઝે તેમને હરાવીને તેમના ઘા તાજા કર્યા છે. લક્ષ્યનો પીછો કરતી વખતે, કેપ્ટન શાઈ હોપે વેસ્ટ ઈન્ડિઝ માટે 109* રનની અણનમ સદી રમી હતી.

સર વિવિયન રિચર્ડ્સ સ્ટેડિયમમાં રમાયેલી મેચમાં ઈંગ્લેન્ડે ટોસ જીતીને બેટિંગ કરવાનો નિર્ણય લીધો હતો અને 50 ઓવરમાં તમામ 10 વિકેટ ગુમાવીને 325 રન બનાવ્યા હતા. ઇંગ્લિશ ટીમ માટે હેરી બ્રુકે સૌથી મોટી 71 રનની ઇનિંગ રમી હતી. આ સિવાય ઓપનિંગમાં આવેલા ફિલિપ સોલ્ટે 28 બોલમાં 5 ફોર અને 3 સિક્સરની મદદથી 45 રન બનાવ્યા હતા. ઈંગ્લેન્ડના ટોટલને જોતા એવું લાગતું હતું કે તેઓ આસાનીથી મેચ જીતી જશે, પરંતુ વેસ્ટ ઈન્ડિઝના કેપ્ટને અણનમ સદી ફટકારીને ઈંગ્લિશ ટીમને બરબાદ કરી દીધી હતી. વેસ્ટ ઈન્ડિઝે 48.5 ઓવરમાં 6 વિકેટે 326 રનનો વિશાળ સ્કોર હાંસલ કર્યો હતો.

વેસ્ટ ઈન્ડિઝે સારી શરૂઆત કરીને શાનદાર પ્રદર્શન કર્યું હતું

326 રનના ટાર્ગેટનો પીછો કરતા વેસ્ટ ઈન્ડિઝને બ્રાન્ડોન કિંગ અને એલેક અથાનાઝ દ્વારા શાનદાર શરૂઆત મળી હતી, જેમણે પ્રથમ વિકેટ માટે 104 (106 બોલ)ની ભાગીદારી કરી હતી, જે 18મી ઓવરમાં સમાપ્ત થઈ જ્યારે લિવિંગસ્ટોને એથાનાઝને બોલ્ડ કર્યો હતો. અથાનાઝે 65 બોલમાં 9 ચોગ્ગા અને 2 છગ્ગાની મદદથી 66 રનની ઇનિંગ રમી હતી. આ પછી ટીમને ટૂંક સમયમાં 19મી ઓવરમાં ઓપનર બ્રેન્ડન કિંગના રૂપમાં બીજો ઝટકો લાગ્યો હતો, જે 4 ચોગ્ગા અને 1 છગ્ગાની મદદથી 35 રન બનાવીને પેવેલિયન પરત ફર્યો હતો.

ત્યારબાદ ટીમને ત્રીજો ઝટકો 30મી ઓવરમાં ત્રીજા નંબરે બેટિંગ કરવા આવેલા કેસી કાર્ટી (16)ના રૂપમાં લાગ્યો હતો. ત્યારબાદ 38મી ઓવરમાં વેસ્ટ ઈન્ડિઝની ચોથી વિકેટ શિમરોન હેટમાયરના રૂપમાં પડી જે 4 ચોગ્ગાની મદદથી 32 રન બનાવીને આઉટ થયો હતો. આ પછી 39મી ઓવરમાં શેરફેન રધરફોર્ડ (06) આઉટ થયો હતો, જેના કારણે ટીમે પાંચમી વિકેટ ગુમાવી હતી. ત્યાર બાદ 48મી ઓવરમાં રોમારિયો શેફર્ડ અડધી સદી ચૂકી ગયો અને 4 ચોગ્ગા અને 3 છગ્ગાની મદદથી 49 રન બનાવીને આઉટ થયો હતો.

પરંતુ આ સમય દરમિયાન ચોથા નંબરે આવેલા કેપ્ટન શાઈ હોપે એક બાજુ ઊભા રહીને 83 બોલમાં 4 ચોગ્ગા અને 7 છગ્ગાની મદદથી 109* રનની અણનમ ઈનિંગ રમી અને ટીમની જીત સુનિશ્ચિત કરી. આ ઇનિંગમાં તેનો સ્ટ્રાઇક રેટ 131.33 હતો.

ઈંગ્લેન્ડના બોલરોને ખરાબ રીતે પીટાઈ હતી

ઈંગ્લેન્ડ તરફથી ગુસ એટકિન્સન અને રેહાન અહેમદે 2-2 વિકેટ લીધી હતી. આ સિવાય બ્રેડન કાર્સ અને લિયામ લિવિંગસ્ટોનને 1-1થી સફળતા મળી હતી. સેમ કુરન ટીમ માટે સૌથી મોંઘો સાબિત થયો, જેણે 9.5 ઓવરમાં 10ની ઈકોનોમી સાથે 98 રન આપ્યા. ત્યારબાદ બ્રેડન ક્રર્સે 10 ઓવરમાં 73 રન, ગુસ એટકિન્સને 10 ઓવરમાં 63 રન, લિવિંગસ્ટોને 10 ઓવરમાં 50 રન અને રેહાન અહેમદે 10 ઓવરમાં 40 રન આપ્યા હતા.

ઇંગ્લેન્ડ સ્કોર

Fall of wickets: 1-77 (Phil Salt, 8.2 ov), 2-77 (Will Jacks, 9.2 ov), 3-110 (Ben Duckett, 15.4 ov), 4-181 (Zak Crawley, 29.3 ov), 5-191 (Jos Buttler, 33.3 ov), 6-232 (Liam Livingstone, 38.5 ov), 7-239 (Harry Brook, 40.6 ov), 8-305 (Sam Curran, 47.3 ov), 9-321 (Rehan Ahmed, 49.3 ov), 10-325 (Gus Atkinson, 49.6 ov) •

વેસ્ટઇન્ડિઝ સ્કોર

Fall of wickets: 1-104 (Alick Athanaze, 17.3 ov), 2-106 (Brandon King, 18.4 ov), 3-144 (Keacy Carty, 29.1 ov), 4-200 (Shimron Hetmyer, 37.5 ov), 5-213 (Sherfane Rutherford, 38.4 ov), 6-302 (Romario Shepherd, 47.1 ov)